14:50 Բոբ Դիլանի նոր ալբոմի որսն արդեն սկսվել է | |
Ամերիկացի երգիչ Բոբ Դիլանի նոր՝ The 50th Anniversary Collection ալբոմը թողարկվել է 100 օրինակով։ Ալբոմի օրինակները հիմնականում վաճառքի են հանվել կոլեկցիոներների համար նախատեսված հատուկ խանութներ, սակայն մի մասն ընկել է սովորական բրիտանական խանութներ, հաղորդում է Lenta.ru-ն՝ հղում անելով The Sun թերթին։ Բոբ Դիլանի երկրպագուները մեկ օրինակի համար արդեն ավելի քան 1000 ֆունտ են առաջարկում։ Ալբոմը չորս կոմպակտ-դիսկ ունի, որոնց վրա 86 երգ կա։ Այդ ձայնագրությունները 1962-1963 թվականների են, հիմնականում Դիլանի՝ նախկինում չթողարկված կենդանի ելույթներն ու նրա երգերի դեմո տարբերակները։ The 50th Anniversary Collection-ը մնացած ամեն ինչից բացի ներառում է նաեւ Blowin’ In The Wind հիթի չհրապարակված տարբերակը։ | |
|
| |
| Մեկնաբանություններն ընդամենը՝: 0 | |
